KBR పార్క్ చుట్టూ వన్-వే ట్రాఫిక్: హైదరాబాద్ పోలీస్ కొత్త మ్యాప్ విడుదల

హైదరాబాద్‌లో బంజారా హిల్స్, జూబ్లీ హిల్స్ స్టీల్ ఫ్లైఓవర్ నిర్మాణ పనుల నేపథ్యంలో పోలీసులు కేబీఆర్ పార్క్ చుట్టూ ట్రాఫిక్ మార్పులు చేశారు.

కేబీఆర్ పార్క్ చుట్టూ ఉన్న రోడ్లన్నీ ఒకే దిశలో (వన్-వే) నడుపుతారు. పార్క్ రోడ్లపై రైట్ టర్న్ పూర్తిగా నిషేధించారు.

పంజాగుట్ట నుంచి జూబ్లీ హిల్స్ చెక్‌పోస్ట్ లేదా కేబుల్ బ్రిడ్జి వైపు వెళ్లే వాహనాలు ఎన్టీఆర్ భవన్ వద్ద ఎడమవైపు తిరగాలి. బసవతారకం క్యాన్సర్ హాస్పిటల్, అగ్రసేన్ ఐలాండ్, భారతీ భవన్ మీదుగా రోడ్ నంబర్ 45 చేరుకోవాలి.

యూసుఫ్ గూడా, శ్రీనిధి కాలనీ నుంచి రోడ్ నంబర్ 36, 45, జూబ్లీ హిల్స్, మాదాపూర్ వైపు వెళ్లేవారు జిందా నగర్ మీదుగా వెంకటగిరి జంక్షన్ వద్ద కుడి తిరిగి డైమండ్ హౌస్ మీదుగా సుల్కజార్ చేరుకోవాలి. అక్కడ నుంచి కుడివైపు తిరిగి రోడ్ నంబర్ 36 చేరుకోవాలని పోలీసులు సూచించారు.

ట్రాఫిక్ పోలీసులు ఏర్పాటు చేసిన సైనేజ్ ప్రకారం లేన్ స్విచింగ్ చేయాలి. పంజాగుట్ట నుంచి రోడ్ నంబర్ 45 లేదా కేబుల్ బ్రిడ్జి వైపు వెళ్లేవారు జర్నలిస్ట్ కాలనీ జంక్షన్ వద్ద లేన్ మార్చాలి. జూబ్లీ చెక్‌పోస్ట్ లేదా మణిపూర్ వైపు వెళ్లే ట్రాఫిక్ రోడ్ నంబర్ 65 వద్ద లేన్ మార్చాలని తెలిపారు.