కేరళలో భారీ వర్షాలు, మలప్పురంలో కొండచరియలు విరిగిపడ్డాయి; 18 మంది మృతి

కేరళలో భారీ వర్షాలు కురుస్తున్నాయి. మలప్పురం జిల్లా పారప్పంగడి నడకాని రహదారిపై కొండచరియలు విరిగిపడటంతో స్థానికులు తృటిలో ప్రాణాపాయం నుంచి తప్పించుకున్నారు. ఈ ఘటనలో ఎవరికీ గాయాలు కాలేదు.

ఇప్పటివరకు కేరళలో వర్షాలకు 18 మంది మృతి చెందారు. పలువురు గల్లంతయ్యారు. అధికారులు సహాయక చర్యలు కొనసాగిస్తున్నారు. నీట మునిగిన ప్రాంతాల నుంచి ప్రజలను పడవల ద్వారా సురక్షిత ప్రాంతాలకు తరలిస్తున్నారు.

చాలా ప్రాంతాల్లో ఇళ్లల్లోకి వరద నీరు చేరింది. భారీ వృక్షాలు నేలకూలాయి. కొండచరియలు విరిగిపడుతున్నాయి. దీంతో భయంతో ప్రజలు ఇళ్లు ఖాళీ చేసి వేరే చోటికి వెళ్తున్నారు. విద్యా సంస్థలకు సెలవులు ప్రకటించారు. ప్రజలు అప్రమత్తంగా ఉండాలని, అత్యవసరమైతే తప్ప బయటకు రావద్దని అధికారులు సూచించారు.

రాబోయే రోజుల్లో మరింత వర్షం కురుస్తుందని వాతావరణ శాఖ హెచ్చరించింది. అధికారులు అప్రమత్తంగా ఉన్నారు.