ఖమ్మం జిల్లాకు రెడ్ అలర్ట్: 46-47°C ఉష్ణోగ్రతలు నమోదు

ఉమ్మడి ఖమ్మం జిల్లాలో ఉష్ణోగ్రతలు 46-47°C వరకు నమోదవుతున్నాయి. వాతావరణ శాఖ ఈ జిల్లాకు రెడ్ అలర్ట్ జారీ చేసింది.

ఉదయం 7 గంటల నుంచి రాత్రి 11 గంటల వరకు వడగాలులు వీస్తున్నాయి. సింగరేణి ప్రాంతంలోనూ గోదావరి పరివాహక ప్రాంతంలోనూ ఉష్ణోగ్రతలు అత్యధికంగా నమోదవుతున్నాయి. అవసరమైతేనే బయటికి రావాలని అధికారులు సూచిస్తున్నారు.

వడదెబ్బతో ఉమ్మడి ఖమ్మం జిల్లాలో 10 మంది మరణించారని అనధికారిక సమాచారం వస్తోంది. అయితే వైద్యారోగ్య శాఖ గానీ రెవెన్యూ అధికారులు గానీ ఇంకా ఈ మరణాలను ధృవీకరించలేదు. మృతుల కుటుంబ సభ్యులు మాత్రం ఎండ దెబ్బే కారణమని చెప్తున్నారు.

బస్ స్టాండ్, రైల్వే స్టేషన్ వంటి జనసాంద్రత ప్రాంతాల్లో ORS packets అందుబాటులో ఉంచాల్సి ఉందని స్థానికులు చెప్తున్నారు. అయితే ప్రభుత్వం చలివేంద్రాలు లేదా ORS packets అందుబాటులో ఉంచడం లేదు. ప్రభుత్వ ప్రసూతి ఆస్పత్రిలో coolers, AC లు సరిగా పనిచేయడం లేదని కూడా తెలుస్తోంది.

మే 25 నుంచి రోహిణి కార్త మొదలవుతుంది. అయినప్పటికీ వాతావరణ శాఖ ప్రకారం రుతుపవనాలు సాధారణం కంటే ముందుగా వీచే అవకాశం ఉంది. దీంతో ముందస్తుగా వర్షాలు పడే అవకాశముందని అంచనా వేస్తున్నారు.