ఢిల్లీలో తెలంగాణ ఆవిర్భావ వేడుకలు: ఉద్యమ త్యాగాలను గుర్తుచేసిన కేంద్ర మంత్రి కిషన్ రెడ్డి

తెలంగాణ రాష్ట్ర ఆవిర్భావ దినోత్సవం సందర్భంగా ఢిల్లీలోని తెలంగాణ భవన్‌లో వేడుకలు జరిగాయి.

ఈ వేడుకల్లో కేంద్ర మంత్రి కిషన్ రెడ్డి పాల్గొని ప్రసంగించారు. ప్రత్యేక తెలంగాణ రాష్ట్రం కోసం గతంలో జరిగిన ఉద్యమాల త్యాగాలను ఆయన గుర్తుచేశారు.

1969లో తెలంగాణ ఉద్యమ సమయంలో దాదాపు 320 మంది ప్రాణత్యాగం చేశారని కిషన్ రెడ్డి తెలిపారు. ఆ తర్వాత మలిదశ ఉద్యమంలో 1200 మంది ఆత్మబలిదానం చేసినట్టు చెప్పారు.

ఢిల్లీలో పార్లమెంట్ సమీపంలో యాదిరెడ్డి అనే విద్యార్థి ఆత్మహత్య చేసుకున్న సంఘటనను కూడా మంత్రి ప్రస్తావించారు. అప్పటి కాంగ్రెస్ ప్రభుత్వం తెలంగాణ ఉద్యమాన్ని అణిచివేసే ప్రయత్నం చేసిందని ఆయన అన్నారు.

ఆ సమయంలో బీజేపీ పార్టీ అధ్యక్షుడిగా రాజ్‌నాథ్ సింగ్, లోక్‌సభలో ప్రతిపక్ష నాయకురాలిగా సుష్మా స్వరాజ్ ఉండి, కాంగ్రెస్ ప్రభుత్వాన్ని నిలదీశారని కిషన్ రెడ్డి గుర్తుచేశారు.