గజపతినగరం ప్రభుత్వ ఆసుపత్రిలో మోకాలి శస్త్రచికిత్స; మంత్రి కొండపల్లి శ్రీనివాస్ ప్రశంసలు

విజయనగరం జిల్లా గజపతినగరం ప్రభుత్వ ప్రాంతీయ ఆసుపత్రిలో ఓ వ్యక్తికి మోకాలి శస్త్రచికిత్స విజయవంతంగా నిర్వహించారు. ఈ నేపథ్యంలో మంత్రి కొండపల్లి శ్రీనివాస్ ఆసుపత్రిని సందర్శించారు. ఆపరేషన్ చేయించుకున్న రోగిని పరామర్శించారు. శస్త్రచికిత్స చేసిన వైద్యులను అభినందించారు.

ప్రభుత్వ ఆసుపత్రిలో మోకాలి ఆపరేషన్ చేయడం గొప్ప విషయమని మంత్రి అభిప్రాయపడ్డారు. 'గ్రామీణ ప్రాంతంలోని ఆసుపత్రిలో నీ సర్జరీ చేయడం చిన్న విషయం కాదు' అని అన్నారు. ఈ ఆసుపత్రిలో ఇప్పటికే రెండు మోకాలి శస్త్రచికిత్సలు చేసినట్లు తెలిపారు. ఇక్కడ పెయిన్ లెస్ లేబర్ (నొప్పి లేని ప్రసవం) సౌకర్యం కూడా అందుబాటులో ఉందని మంత్రి వివరించారు.

'ఈ మెరుగైన వైద్య సౌకర్యాలు ముఖ్యమంత్రి చంద్రబాబు నాయుడు కృషి వల్ల సాధ్యమయ్యాయి' అని మంత్రి పేర్కొన్నారు. ప్రభుత్వ ఆసుపత్రుల్లో లభించే అత్యాధునిక వైద్య సేవలను ప్రజలు వినియోగించుకోవాలని సూచించారు. మంత్రి ఆపరేషన్ గది, రోగుల వార్డును కూడా పరిశీలించారు.