పేపర్ లీక్‌లకు బాధ్యుడు ధర్మేంద్ర ప్రధాన్, రాజీనామా చేయాలి: ఎమ్మెల్సీ కోదండరాం

ఎమ్మెల్సీ కోదండరాం ఢిల్లీలోని జంతర్ మంతర్ వద్ద జరుగుతున్న విద్యార్థుల ఆందోళనకు సంఘీభావం ప్రకటించారు. కేంద్ర ప్రభుత్వం పరీక్షల నిర్వహణపై సరైన చర్యలు తీసుకోవడంలో విఫలమైందని ఆయన ఆరోపించారు. దేశవ్యాప్తంగా సుమారు 150 పరీక్షలు గందరగోళంగా నిర్వహించడంతో విద్యార్థుల్లో అయోమయ పరిస్థితి నెలకొందని చెప్పారు.

ఈ పేపర్ లీకేజ్‌లకు కేంద్ర విద్యాశాఖ మంత్రి ధర్మేంద్ర ప్రధాన్‌దే బాధ్యత అని కోదండరాం పేర్కొన్నారు. ఆయన రాజీనామా చేయాలని డిమాండ్ చేశారు. విద్యార్థులు న్యాయమైన డిమాండ్ లేవనెత్తారని, ప్రభుత్వం బాధ్యతగా పనిచేయాలని అన్నారు.

"దేశంలోని ప్రజాస్వామిక శక్తులు ఈ ఆందోళనకు మద్దతు ఇవ్వాలి. విద్యార్థుల భవిష్యత్తు ప్రశ్నార్థకంగా మారినందుకు కేంద్ర ప్రభుత్వమే బాధ్యత వహించాలి" అని కోదండరాం వివరించారు.