కోల్కతాలో నిర్మాణంలో ఉన్న గోదాం కూలి 15 మంది మృతి

కోల్కతాలో నిర్మాణంలో ఉన్న ఓ గోదాం కూలిన ఘటనలో మృతుల సంఖ్య 15కు చేరింది.

ప్రమాదం జరిగిన రెండు రోజుల తర్వాత శిథిలాల నుంచి మరో రెండు మృతదేహాలను వెలికి తీశారు. ఆసుపత్రిలో చికిత్స పొందుతున్న ఇద్దరు మృతి చెందారు.

మృతుల్లో ఇద్దరిని మన్ను కుమార్, సాహిల్ సర్దార్గా గుర్తించారు. వీరు బిహార్ రాష్ట్రానికి చెందిన కార్మికులు.

18 మంది గాయపడగా, వారు ప్రభుత్వ ఆసుపత్రిలో చికిత్స పొందుతున్నారు.

పోలీసులు, సైన్యం, రాష్ట్ర విపత్తు నిర్వహణ సిబ్బందితో పాటు ఎన్డీఆర్ఎఫ్, భారతీయ రైల్వే సహాయక చర్యలు నిర్వహిస్తున్నాయి. శిథిలాల కింద చిక్కుకున్న వారిని గుర్తించేందుకు కెమెరాలు ఉపయోగిస్తున్నారు.

యాక్టివ్ మొబైల్ ఫోన్ టవర్ డేటా ఆధారంగా చిక్కుకున్న వారి లొకేషన్ గుర్తించే ప్రయత్నం చేస్తున్నారు. ఇంకా కొంతమంది శిథిలాల కింద చిక్కుకున్నట్లు అధికారులు భావిస్తున్నారు.