కోనసీమ రాజోలులో వరద నీటిలోనే పోలింగ్.. బురదలో నడిచి ఓట్లు వేస్తున్న ఓటర్లు

అంబేద్కర్ కోనసీమ జిల్లా రాజోలులో ఎన్నికలు వరద నీటిలోనే కొనసాగుతున్నాయి. మురుసు తుఫాన్ ప్రభావంతో కురిసిన భారీ వర్షాలకు పోలింగ్ కేంద్రాలకు వెళ్లే దారులన్నీ జలమయం అయ్యాయి.

ఓటర్లు సుమారు ఒక కిలోమీటర్ దూరం మోకాలి లోతు బురద నీటిలో నడిచి పోలింగ్ కేంద్రాలకు చేరుకుంటున్నారు. మహిళలు, వృద్ధులు ఎక్కువ ఇబ్బంది పడుతున్నారు. కుటుంబ సభ్యులు వృద్ధులను ఎత్తుకుని బురద నీటిలో తీసుకెళ్తున్నారు.

ఈ ప్రాంతంలో సుమారు పది నుంచి పదిహేను బూతులు నిర్వహిస్తున్నారని ఓటర్లు చెప్పారు. గ్రామ పంచాయతీ కార్యాలయం, కాలేజీలో ఏర్పాటు చేసిన కేంద్రాలకు వెళ్లడానికి ప్రజలు చాలా కష్టపడుతున్నారు. కొన్ని చోట్ల నడుము లోతు నీరు ఉందని కూడా ఓటర్లు తెలిపారు.

వరద బురద పలు ఇళ్లను ముంచెత్తింది. ఒక వారం రోజులు కరెంటు లేదని, తర్వాత కుటుంబ సభ్యులు కోరడంతో నిన్న కరెంటు వచ్చిందని ఒక మహిళ చెప్పారు. పోలీస్ స్టేషన్, సబ్ రిజిస్టర్ ఆఫీస్, ఆస్పత్రి ప్రాంతాలు కూడా మునిగినట్టు స్థానికులు తెలిపారు.

పోలింగ్ కేంద్రాలను సురక్షితమైన ప్రాంతాలకు మార్చాలని, లేదా ఎన్నికలను వాయిదా వేయాలని ఓటర్లు కోరుతున్నారు. ఎన్నికల అధికారులు, RTO ఎవరూ స్పందించలేదని వారు ఆరోపిస్తున్నారు. పోలింగ్ మాత్రం ఇప్పటికీ కొనసాగుతోంది. ఈ విషయంపై అధికారుల స్పందన తెలియాల్సి ఉంది.