2029 ఎన్నికలకు సిద్ధం కావాలని TDP శ్రేణులకు మంత్రి కొండపల్లి శ్రీనివాస్ పిలుపు

విజయనగరంలోని TDP కార్యాలయంలో జరిగిన పార్లమెంటరీ పార్టీ సమావేశంలో మంత్రి కొండపల్లి శ్రీనివాస్ పాల్గొన్నారు. స్థానిక సంస్థలతో పాటు 2029 ఎన్నికల్లో గెలుపు సాధించాలని కార్యకర్తలకు ఆయన పిలుపునిచ్చారు.

ముఖ్యమంత్రి చంద్రబాబు నాయుడి పాలనలో అభివృద్ధి సంక్షేమ కార్యక్రమాలు సమానంగా కొనసాగుతున్నాయని ఆయన చెప్పారు. కూటమి ప్రభుత్వం విజయనగరం జిల్లా అభివృద్ధికి 600 కోట్ల రూపాయలు ఖర్చు చేసిందని తెలిపారు.

సోషల్ మీడియా ప్లాట్ఫారమ్లపై దృష్టి పెట్టాలని, ప్రతి గ్రామంలో ఒక ITDP సభ్యుడిని నియమించాలని ఆయన సూచించారు. ప్రభుత్వ పథకాలు, అభివృద్ధి వివరాలను ప్రజలకు చేరవేయడం ద్వారా ప్రతిపక్షాల ప్రచారాన్ని ఎదుర్కోవాలన్నారు.