నెల్లూరు రూరల్ డీలిమిటేషన్‌పై కోటం రెడ్డి శ్రీధర్ రెడ్డి వివరణ

నెల్లూరు రూరల్ నియోజకవర్గం ఎమ్మెల్యే కోటం రెడ్డి శ్రీధర్ రెడ్డి నెల్లూరు కార్పొరేషన్ డివిజన్ల డీలిమిటేషన్ ప్రక్రియపై మీడియా ముందు వివరణ ఇచ్చారు. ఈ ప్రక్రియలో తన జోక్యం లేదని స్పష్టం చేశారు.

మీడియా సమావేశంలో శ్రీధర్ రెడ్డి నెల్లూరు నగర కమిషనర్‌కు ఫోన్ చేశారు. డీలిమిటేషన్ ప్రక్రియను నిష్పక్షపాతంగా, చట్టబద్ధంగా నిర్వహించాలని కోరారు. TDP, YSRCP, జనసేన, BJP, CPM తో సహా అన్ని పార్టీలు ఇచ్చిన అభ్యంతరాలను పరిగణనలోకి తీసుకోవాలని అధికారులను విజ్ఞప్తి చేశారు.

మాజీ మంత్రి కాకాని గోవర్ధన్ చేసిన విమర్శలకు కౌంటర్ ఇస్తూ, కాకాని ఆహ్వానిస్తే అధికారులతో కలిసి వచ్చి వివరణ ఇస్తామని శ్రీధర్ రెడ్డి అన్నారు.

2029 ఎన్నికలలో నెల్లూరు రూరల్ నుంచి తన కుమారుడు కోటం రెడ్డి గిరిధర్ రెడ్డి పోటీ చేయాలని కుటుంబ సభ్యుల కోరిక అని తెలిపారు. అయితే అభ్యర్థి నిర్ణయం పార్టీ అధినాయకత్వానిదేనని స్పష్టం చేశారు. పార్టీ వేరొకరికి అవకాశం ఇచ్చినా పూర్తిగా మద్దతు ఇస్తామని శ్రీధర్ రెడ్డి పేర్కొన్నారు.