కొత్తపేట రైతు బజార్లో పేదలకు సబ్సిడీ బియ్యం: కేజీ రూ.52కే సూపర్ ఫైన్

డాక్టర్ బి.ఆర్. అంబేద్కర్ కోనసీమ జిల్లా కొత్తపేట రైతు బజార్లో పేదలకు తక్కువ ధరలకు సన్న బియ్యం విక్రయించే కార్యక్రమాన్ని స్థానిక ఎమ్మెల్యే బండారు సత్యానందరావు ప్రారంభించారు.

ఈ పథకంలో సూపర్ ఫైన్ రకం బియ్యం కిలో రూ.62 నుంచి రూ.52కు, రా రైస్ బియ్యం కిలో రూ.58 నుంచి రూ.50కు తగ్గించారు. ఒక్కొక్కరికి 10 కేజీల చొప్పున బియ్యం అందిస్తున్నారు.

ధరల భారం తగ్గించేందుకు ఈ నిర్ణయం తీసుకున్నట్లు ఎమ్మెల్యే తెలిపారు. రైస్ మిల్లర్లు కిలో రూ.8 నుంచి రూ.10 వరకు తగ్గించి సహకరించినందుకు వారికి ధన్యవాదాలు తెలిపారు. త్వరలోనే ‘మీ మాట’ ద్వారా సబ్సిడీ నిత్యవసరాలు అందించనున్నట్లు కూడా చెప్పారు.