కోటి దీపోత్సవ వేదికపై శ్రీనివాసుడికి విశేష ముడుపుల పూజ నిర్వహణ

కార్తీక మాసంలో గోదావరి ప్రాంతంలో జరిగిన కోటి దీపోత్సవ వేదికపై శ్రీ వెంకటేశ్వర స్వామికి విశేష ముడుపుల పూజ నిర్వహించారు. ఈ పూజలో భక్తులు పాల్గొని స్వామివారికి ముడుపులు సమర్పించారు.

పసుపు రంగు వస్త్రంతో ముడుపు తయారు చేస్తారు. ఆ వస్త్రంలో పసుపు, కుంకుమ, పువ్వులు, అక్షతలు వేస్తారు. ఒక రూపాయి నాణెం కూడా ముడుపులో పెడతారు.

ఓం నమో వేంకటేశాయ నమః అని చెప్తూ ముడుపు కడతారు. తర్వాత దానిని రెండు చేతులతో పట్టుకుని శిరస్సుపై ఉంచుతారు. మనసులో కోరికలు కోరుకున్న తర్వాత ముడుపును మూడు సార్లు కళ్లకు అద్దుకుంటారు.

ఆ ముడుపులను స్వామివారి ముందు ఉంచి భక్తులు నమస్కారం చేస్తారు. ద్వారకా తిరుమల వెంకటేశ్వర స్వామిని ధ్యానం చేస్తూ ఈ పూజ పూర్తి చేస్తారు. కార్తీక మాసంలో ఈ ముడుపుల ఆరాధనకు ప్రత్యేక స్థానం ఉంది.