కోటి తలంబ్రాల మహాయజ్ఞం: ఈస్ట్ గోదావరిలో వానర వేషాలతో వరి సాగు ప్రారంభం

శ్రీరామ కల్యాణానికి కోటి తలంబ్రాలు సమర్పించేందుకు తూర్పు గోదావరి జిల్లా అచ్యుతాపురంలో 16వ జ్ఞాన యజ్ఞం ప్రారంభమైంది. శ్రీకృష్ణ చైతన్య సంఘం ఆధ్వర్యంలో భక్తులు వానర సేన వేషాలు ధరించి నాగలితో వరి దుక్కి దున్నారు.

ఈ మహాయజ్ఞాన్ని సంఘం సభ్యుడు కళ్యాణం అప్పారావు తన సొంతం ఎకరం 60 సెంట్ల పొలంలో నిర్వహిస్తున్నారు. భద్రాచలం సీతారామ సన్నిధిలో ప్రత్యేక పూజలు చేసిన విత్తనాలను ఈ పొలంలో నాటారు. శ్రీరాముడు, జాంబవంతుడు, హనుమంతుడు, సుగ్రీవుడు, అంగదుడు వంటి విచిత్ర వేషధారణలతో భక్తులు రామనామ స్మరణతో పొలం దున్నారు.

ఈ పంట కోత అనంతరం వడ్లను ఐదు రాష్ట్రాల్లోని 5 వేల మంది భక్తులకు అందజేస్తారు. వారు ఆ వడ్లను గోటితో వేలిచి కోటి తలంబ్రాలు సిద్ధం చేస్తారు. ఆ తలంబ్రాలను భద్రాచలం, అయోధ్య, ఒంటిమిట్ట శ్రీరామ ఆలయాలకు పంపించడం ఆనవాయితీగా వస్తోంది. ఇప్పటికే భద్రాచలానికి 15 సార్లు, ఒంటిమిట్టకు 8 సార్లు, అయోధ్యకు 3 సార్లు కోటి తలంబ్రాలు పంపినట్లు నిర్వాహకులు తెలిపారు.