ఫోన్లు తగ్గించండి, సోషల్ మీడియా అడిక్షన్ మానుకోండి: సీరియల్ నటుడు రాజేంద్ర కుమార్ సలహా

సీరియల్ నటుడు రాజేంద్ర కుమార్ యువతరానికి కొన్ని మంచి మాటలు చెప్పారు. ఇప్పటి తరం వాళ్ళు ఫోన్లకు అతుక్కుపోయారని, సోషల్ మీడియాకు అధికంగా అడిక్ట్ అయిపోయారని ఆందోళన వ్యక్తం చేశారు.

ముందుగా పాజిటివ్ థింకింగ్ పెంచుకోవాలని, నువ్వు బ్రతుకు బ్రతకనివ్వు అనే సూత్రాన్ని పాటించాలని సూచించారు. అందరూ హార్డ్ వర్క్ చేయాలని, ఫోన్ వాడకం తగ్గించాలని పిలుపునిచ్చారు.

Facebook, Instagram వంటి సోషల్ మీడియా వేదికలలో ఫేక్ అకౌంట్లు విపరీతంగా పెరిగిపోయాయని ఆందోళన వ్యక్తం చేశారు. ఈ ఫేక్ అకౌంట్లతో చాటింగ్ చేయడం, ఫ్రెండ్షిప్ చేయడం చాలా ప్రమాదకరమని హెచ్చరించారు.

ఆధార్ కార్డును సోషల్ మీడియా అకౌంట్లకు లింక్ చేస్తే ఫేక్ అకౌంట్లు క్రియేట్ అవ్వవని, దీనివల్ల సమాజంలో జరుగుతున్న అనర్థాలు తగ్గుతాయని అభిప్రాయపడ్డారు. సోషల్ మీడియా యాజమాన్యాలు లక్షల కోట్లు సంపాదిస్తున్నాయని, కానీ సమాజానికి మేలు చేయడంలో విఫలమవుతున్నాయని విమర్శించారు.

ప్రభుత్వం కూడా ఈ విషయంలో చర్యలు తీసుకోవాలని, గతంలో TikTok ని బ్యాన్ చేసినట్లే అవసరమైన చర్యలు చేపట్టాలని అన్నారు. టెక్నాలజీ పెరగడం మంచిదేనని, కానీ దానిని సక్రమైన మార్గంలో వినియోగించుకోవడం చాలా అవసరమని నొక్కి చెప్పారు.