కేసీఆర్ మనవడు హిమాంషు రావు స్పోర్ట్స్ గాయంతో ఆస్పత్రిలో చికిత్స

బీఆర్ఎస్ అధినేత, మాజీ ముఖ్యమంత్రి కే. చంద్రశేఖర్ రావు మనవడు హిమాంషు రావు స్పోర్ట్స్ గాయంతో ఏఐజీ ఆస్పత్రిలో చికిత్స పొందుతున్నారు.

నిన్న సాయంత్రం హిమాంషు రావు స్నేహితులతో కలిసి ఆట ఆడుతుండగా ముక్కుకు గాయమైంది. వెంటనే ఆయనను గచ్చిబౌలిలోని ఏఐజీ ఆస్పత్రికి తరలించారు.

కే. చంద్రశేఖర్ రావు ఈరోజు ఆస్పత్రికి వచ్చి మనవడిని పరామర్శించారు. వైద్యుల నుంచి ఆరోగ్య వివరాలు తెలుసుకున్నారు.

హిమాంషు రావు సోషల్ మీడియాలో స్పందిస్తూ, తన ఆరోగ్యం మెరుగవుతోందని, త్వరలో కోలుకుంటానని పేర్కొన్నారు. ఆయన తండ్రి, బీఆర్ఎస్ వర్కింగ్ ప్రెసిడెంట్ కే.టీ. రామారావు కూడా ఇదే విషయాన్ని ధృవీకరించారు.