కృష్ణా బేసిన్‌లో వరద తగ్గుదల: ప్రాజెక్టుల నిల్వల వివరాలు

కృష్ణా బేసిన్ పరిధిలోని ప్రాజెక్టులకు గత పది రోజుల నుంచి వస్తున్న భారీ వరద ప్రవాహం తగ్గుముఖం పట్టింది. ఎగువ ప్రాజెక్టుల నుంచి దిగువకు వస్తున్న నీటి పరిమాణం క్రమంగా తగ్గుతోంది.

ఆల్మట్టి ప్రాజెక్టులో ప్రస్తుతం 118.22 టీఎంసిల నీటి నిల్వ ఉండగా, గరిష్ట సామర్థ్యం 123.08 టీఎంసిలు. అక్కడి నుంచి నారాయణపూర్‌కు 42,000 క్యూసెక్ల ప్రవాహం కొనసాగుతోంది. నారాయణపూర్‌లో ప్రస్తుత నిల్వ 33.12 టీఎంసిలు. ఈ ప్రాజెక్టు నుంచి జోరాలకు 57,000 క్యూసెక్ల వరద నీరు వెళుతుంది.

జోరాల ప్రాజెక్టు నిండటానికి 9.65 టీఎంసిల సామర్థ్యం ఉండగా, ప్రస్తుతం 8.53 టీఎంసిల నీరు నిల్వ ఉంది. ఇక్కడి నుంచి శ్రీశైలానికి 44,279 క్యూసెక్ల ప్రవాహం ఉంది. శ్రీశైలం జలాశయంలో నీటిమట్టం 878 అడుగుల వద్ద ఉంది, గరిష్ట దాదాపు 885 అడుగులు. దీంతో ప్రస్తుతం 181 టీఎంసిల నీరు నిల్వ ఉన్నట్లు అధికారులు తెలిపారు.

దిగువన పోతిరెడ్డిపాడు, మల్యాల, హంద్రీనీవ కాల్వలకు 12,900 క్యూసెక్ల నీటిని విడుదల చేస్తున్నారు. గత వారం రోజుల నుంచి నీటి ప్రవాహం క్రమంగా తగ్గడంతో వరద భయం తొలగిపోయింది.