కృష్ణా డెల్టాకు 3200 క్యూసెక్కుల నీటి విడుదల; 30 లక్షల మంది రైతులకు లబ్ధి

కృష్ణా డెల్టా సాగునీటి కోసం ఈరోజు ప్రకాశం బ్యారేజ్ నుంచి 3200 క్యూసెక్కుల నీటిని విడుదల చేశారు. ఈ నీరు దాదాపు 13 లక్షల ఎకరాల ఆయకట్టుకు సరఫరా అవుతుంది. సుమారు 30 లక్షల మంది రైతులకు ఈ నీరు అందుతుంది.

రాష్ట్ర ప్రభుత్వం చేపట్టిన 'జలాధార-జలాహారతి' కార్యక్రమంలో భాగంగా కాలువలను శుభ్రం చేయడం, భూగర్భ జలాలు పెంచడం వంటి చర్యలు చేపట్టారు. దీని వల్ల కాలువల చివరి వరకు నీరు చేరేలా చూస్తున్నట్లు అధికారులు తెలిపారు.

ఈ నీటి విడుదల కార్యక్రమంలో స్థానిక ప్రజాప్రతినిధులు, అధికారులు పాల్గొన్నారు. మంత్రులు, ఎమ్మెల్యేలు ఇతర కార్యక్రమాల్లో బిజీగా ఉండడంతో హాజరు కాలేదు.