అల్లూరి జిల్లాలో రోడ్ల కోసం గుర్రాలతో 3 కి.మీ ఆదివాసీల ర్యాలీ

అల్లూరి సీతారామరాజు జిల్లాలో రోడ్లు కోరుతూ ఆదివాసీలు గుర్రాలపై ప్రయాణిస్తూ నిరసన తెలిపారు. జాతీయ జెండాలు చేతబట్టుకుని సుమారు 3 కిలోమీటర్ల మేర ర్యాలీ నిర్వహించారు.

పశువులబండ తదితర గిరిజన గ్రామాలకు రోడ్లు నిర్మించాలని వారు డిమాండ్ చేశారు. నిధులు మంజూరయ్యాయని, అయినా రోడ్డు నిర్మాణం జరగడం లేదని వారు తెలిపారు. వర్షాలకు ఇప్పటికే వేసిన రోడ్లు కొట్టుకుపోతున్నాయని ఆవేదన వ్యక్తం చేశారు.

కొండపై నివసించే 20 కుటుంబాల PVTG గిరిజనులకు రోడ్డు సౌకర్యం లేదు. జ్వరం వచ్చినా, ఏ అనారోగ్యం వచ్చినా గుర్రాలపైనా, డోలీలపైనా వెళ్లాల్సిన పరిస్థితి ఉందని వారు చెప్పారు.

దేశానికి స్వాతంత్ర్యం వచ్చి 80 సంవత్సరాలు దాటినా తమకు రోడ్డు లేదని వారు అన్నారు. రాష్ట్ర ప్రభుత్వం తమను గుర్తించి రోడ్డు నిర్మాణం చేపట్టాలని కోరారు. ఈ ప్రాంతాలకు రోడ్ల కోసం గతంలోనూ పలుమార్లు ఆందోళనలు చేసినట్లు తెలిపారు.