బూత్ స్థాయిలో మెజారిటీ సాధించడంపై దృష్టి పెట్టాలి: కేటీఆర్

హైదరాబాద్ LB నగర్‌లో జరిగిన BRS కార్యకర్తల శిక్షణా తరగతుల్లో KTR పాల్గొన్నారు. ఎంత పెద్ద నాయకుడైనా తమ సొంత బూత్‌లో మెజారిటీ సాధించకపోతే గౌరవం ఉండదని ఆయన అన్నారు.

బూత్ స్థాయి బాధ్యతను సీరియస్‌గా తీసుకోవాలని కార్యకర్తలను KTR కోరారు. ఓటర్ల జాబితాను ఇప్పటి నుంచే సరిచూసుకోవాలన్నారు. చనిపోయిన వారి పేర్లు తొలగించడం, కొత్త ఓట్లు నమోదు చేయించడం, షిఫ్ట్ అయిన వారి పేర్లు మార్పు చేయించడం అనే నాలుగు పనులు చేయాలని సూచించారు.

SIR ప్రక్రియ జరుగుతున్న సమయంలో కార్యకర్తలు జాగ్రత్తగా ఉండాలని KTR హెచ్చరించారు. ఇతర పార్టీలు ఓట్ల విషయంలో తప్పుడు ప్రయత్నాలు చేస్తే వెంటనే అడ్డుకోవాలని పేర్కొన్నారు.

హైదరాబాద్ అభివృద్ధి కోసం BRS పాలనలో చేసిన పనులను ప్రజలకు వివరించాలని కార్యకర్తలకు KTR సూచించారు. అభివృద్ధిని అస్త్రంగా చేసుకుని గెలుపు సాధించవచ్చని ఆయన అన్నారు.