KTR: 50 మంది బాలికల చదువుకు స్పాన్సర్

BRS నేత, మాజీ మంత్రి KTR త్వరలో 50 ఏళ్లు నింపుతున్న సందర్భంగా ఒక ముఖ్యమైన ప్రకటన చేశారు. తన వ్యక్తిగత ఖాతా నుంచి 50 మంది బాలికల చదువుకు స్పాన్సర్ చేస్తానని తెలిపారు.

"ఈ ఏడాది నుంచి 50 మంది యువతులకు సాయం చేస్తాను. ఇది నా వ్యక్తిగత ఖాతా నుంచి నేరుగా అందిస్తాను" అని ఆయన ఒక కార్యక్రమంలో మాట్లాడుతూ చెప్పారు.

ఈ సాయం ద్వారా బాలికలకు విద్యలో ప్రోత్సాహం ఇవ్వడమే కాకుండా, మరింతమంది దాతలను ఈ కార్యక్రమానికి కనెక్ట్ చేస్తానని KTR పేర్కొన్నారు. తన కూతురు ప్రస్తుతం 17 ఏళ్లు, ఈ ఏడాది కళాశాలకు వెళ్తుందని, ఆమెకు తల్లిదండ్రులు లేని పరిస్థితి ఊహించినట్లు వివరించారు.

"అణగారిన వర్గాల పిల్లల పట్ల సానుభూతి, సాయం చేయాలనే తపన లేకపోతే మనిషిగా జీవించడం వ్యర్థం. నాకు దేవుడు చాలా ఇచ్చాడు. సమాజానికి నేను తిరిగి ఇవ్వాలి" అని KTR అభిప్రాయపడ్డారు.