రాజన్న సిరిసిల్లలో ప్రతిభ చూపిన విద్యార్థులను సత్కరించిన కేటీఆర్

రాజన్న సిరిసిల్ల జిల్లా కేంద్రంలోని గీతానగర్ ప్రభుత్వ పాఠశాలలో 10వ తరగతిలో అత్యధిక మార్కులు సాధించిన విద్యార్థులను సత్కరించారు. ఈ కార్యక్రమంలో BRS వర్కింగ్ ప్రెసిడెంట్ కేటీఆర్ పాల్గొని, విద్యార్థులకు ఆండ్రాయిడ్ టాబ్లెట్లను బహూకరించారు.

ఈ ఏర్పాటు తన సోదరుడు భూపాల్ రెడ్డి సూచన మేరకు చేపట్టామని కేటీఆర్ తెలిపారు. ప్రభుత్వ పాఠశాలలో మంచి ఫలితాలు రావడంతో, ఇతర విద్యార్థులకు స్ఫూర్తిగా ఈ కార్యక్రమం నిర్వహిస్తున్నట్లు చెప్పారు.

రాబోయే సంవత్సరాల్లో ఇంటర్మీడియట్, డిగ్రీ స్థాయిలో సైతం ప్రతిభ కనబరిచిన విద్యార్థులను సత్కరిస్తామని కేటీఆర్ ప్రకటించారు. ఐఐటి, ఐఏఎం వంటి ప్రతిష్టాత్మక సంస్థల్లో సీట్లు పొందిన వారికి ప్రత్యేక కార్యక్రమం ఏర్పాటు చేస్తామని, దీన్ని జిల్లా స్థాయిలో కొనసాగిస్తానని ఆయన హామీ ఇచ్చారు.