ధాన్యం కొనుగోలు సంక్షోభంపై కేటీఆర్ సీఎం రేవంత్‌కు బహిరంగ లేఖ

BRS వర్కింగ్ ప్రెసిడెంట్ KT రామారావు తెలంగాణ CM రేవంత్ రెడ్డికి బహిరంగ లేఖ రాశారు. రాష్ట్రంలో ధాన్యం కొనుగోలు జరగడం లేదని ఆరోపించారు.

కొనుగోలు కేంద్రాల వద్ద రైతులు ఇబ్బందులు పడుతున్నారని KTR పేర్కొన్నారు. వడదెబ్బతో కొనుగోలు కేంద్రాల వద్ద 10 మంది రైతులు మరణించారని లేఖలో పేర్కొన్నారు. కొన్ని చోట్ల రైతులు పంటకు తామే నిప్పు పెట్టుకుంటున్న పరిస్థితి నెలకొందని తెలిపారు.

వరంగల్ జిల్లా నుంచి ఖమ్మం వరకు రోజూ ఒక్క లారీ లోడ్ కూడా ఎత్తడం లేదని ఆరోపించారు. గన్నీ బ్యాగ్ కోసం రైతుల వద్ద ₹50 చొప్పున డిపాజిట్ తీసుకుంటున్నారని పేర్కొన్నారు. అకాల వర్షాలకు తడిసిన ధాన్యాన్ని కూడా కొనుగోలు చేయడం లేదని తెలిపారు.

ఈ నెల 23న జరిగే cabinet సమావేశంలో కొనుగోలు సమస్యపై చర్చించాలని KTR డిమాండ్ చేశారు. కొనుగోలు కేంద్రాల వద్ద మరణించిన రైతు కుటుంబాలకు ₹25 లక్షల పరిహారం ప్రకటించాలని కోరారు. రాష్ట్రంలోని 60 లక్షల మంది రైతులకు ప్రభుత్వం క్షమాపణ చెప్పాలని లేఖలో పేర్కొన్నారు.

ఈ ఆరోపణలపై తెలంగాణ ప్రభుత్వం స్పందన తెలియాల్సి ఉంది.