కూకట్‌పల్లిలో విద్యార్థులతో సమైక్యతా ర్యాలీ: BJP నేత రామచంద్రరావు పాల్గొన్నారు

హైదరాబాద్‌లోని కూకట్‌పల్లిలో జాతీయ సమైక్యతా దినోత్సవం సందర్భంగా విద్యార్థులతో కలిసి సమైక్యతా ర్యాలీ నిర్వహించారు. ఈ ర్యాలీలో BJP రాష్ట్ర అధ్యక్షుడు రామచంద్రరావు పాల్గొన్నారు.

సర్దార్ పటేల్ నగర్ నుంచి వివేకానంద నగర్ వరకు ర్యాలీ సాగింది. స్వచ్ఛ భారత్ అభియాన్ చైర్మన్ ఆధ్వర్యంలో ఈ కార్యక్రమం జరిగింది. ముఖ్య అతిథిగా హాజరైన రామచంద్రరావు ర్యాలీని ప్రారంభించారు.

విద్యార్థులు "Say No to Drugs", "Follow the Traffic Rules", "Secure Our Borders" నినాదాలతో ర్యాలీ చేశారు. వివిధ పాఠశాలల విద్యార్థులు, BJP నేతలు, కార్యకర్తలు ఈ కార్యక్రమంలో పాల్గొన్నారు.

"దేశం ముందు, తర్వాతే మనం" అనే భావనతో ప్రతి పౌరుడు ముందుకు సాగాలని రామచంద్రరావు పిలుపునిచ్చారు. తల్లిదండ్రులు, గురువులను గౌరవించినట్లే దేశాన్ని కూడా ప్రేమించాలని ఆయన సూచించారు. దేశాన్ని విడగొట్టే శక్తులు పెరిగాయని, అందుకే దేశభక్తి ముఖ్యమైనదని ఆయన అన్నారు. చిన్నారుల్లో దేశభక్తి భావన పెంచాలని తల్లిదండ్రులు, ఉపాధ్యాయులను ఆయన కోరారు.