నవంబర్ 1 నుండి Caller ID లో మీ పేరు కనిపిస్తుందా? SIM కార్డుపై కొత్త నిబంధనలు

మన రోజువారీ జీవితంలో మనం ఎందరికో కాల్ చేస్తూ, ఎందరో మనకు కాల్ చేస్తూ ఉంటారు. కొన్నిసార్లు తెలియని నంబర్ల నుండి కాల్ వచ్చినప్పుడు అది స్పాం కాలా, బిజినెస్ కాలా, లేదా నిజంగా ఫ్రెండ్స్ లేదా రిలేటివ్స్ చేశారా అని అర్థం కాక మనం కన్ఫ్యూజ్ అయిపోతాం. ఇలాంటి సమస్యలను పరిష్కరించేందుకు ప్రభుత్వం CNAP అనే కొత్త వ్యవస్థను నవంబర్ 1 నుండి అమలులోకి తీసుకొస్తోంది.

CNAP వ్యవస్థ ద్వారా మీరు ఎవరికైనా కాల్ చేసినా లేదా మీకు ఎవరైనా కాల్ చేసినా వారి పేరు నేరుగా మొబైల్ స్క్రీన్‌పై డిస్‌ప్లే అవుతుంది. అయితే ఇక్కడ ఒక ముఖ్యమైన విషయం ఏమిటంటే, ఏ పేరు మీద SIM కార్డు రిజిస్టర్ అయి ఉంటుందో ఆ వ్యక్తి పేరు మాత్రమే స్క్రీన్‌పై కనిపిస్తుంది. మన మధ్య చాలా మంది ఫ్రెండ్స్ పేరు మీద, పేరెంట్స్ పేరు మీద లేదా రిలేటివ్స్ పేరు మీద ఉన్న SIM కార్డులను వాడుతున్నారు. అలాంటి సందర్భాల్లో తప్పుడు పేరు డిస్‌ప్లే అవడం వల్ల కన్ఫ్యూజన్ కలిగే అవకాశం ఉంది.

ఈ సమస్యను నివారించుకోవాలంటే మీరు మీ SIM కార్డు ఓనర్‌షిప్‌ను మీ పేరు మీదకు ట్రాన్స్‌ఫర్ చేసుకోవాలి. దీని కోసం Jio, Airtel లేదా మీరు ఉపయోగించే ఏ నెట్‌వర్క్ సేవా కేంద్రానికైనా వెళ్లి, మీ Aadhaar మరియు PAN కార్డు ఆధారంగా వివరాలు మార్చుకోవచ్చు.

అదేవిధంగా ప్రభుత్వం సంచార్ సాక్షి అనే యాప్‌ను కూడా పరిచయం చేసింది. ఈ యాప్ ద్వారా మీకు వచ్చే కాల్ ఫ్రాడ్ కాలా, బిజినెస్ కాలా అని గుర్తించవచ్చు. అంతేకాదు, మీ పేరు మీద దేశంలో మొత్తం ఎన్ని SIM కార్డులు యాక్టివ్‌గా ఉన్నాయో కూడా ఈ యాప్ ద్వారా తెలుసుకోవచ్చు.