శ్రీశైలం సమీపంలో చిరుత సంచారం — సుండిపేట ప్రజల్లో భయాందోళన

శ్రీశైలం సమీపంలోని సుండిపేట శివార్లలో చిరుత తరచూ సంచరిస్తోంది. ఒక ఇంటి ముందు ఉన్న ఇనుప పెట్టెలో కోడిని తినేందుకు చిరుత ప్రయత్నించిన దృశ్యాలు CCTV లో రికార్డయ్యాయి.

స్థానికులు ఈ సంఘటనను ఫోన్లో చిత్రీకరించారు. అదే వీడియో సోషల్ మీడియాలో వ్యాపించింది. కొండ ప్రాంతం దగ్గర ఉండటం వల్ల చిరుతలు తరచూ అక్కడికి వస్తున్నాయని స్థానికులు చెప్తున్నారు.

ప్రజలు అప్రమత్తంగా ఉండాలని అటవీ శాఖ అధికారులు సూచించారు. చిరుత సంచారం కనిపిస్తే వెంటనే తమకు సమాచారం ఇవ్వాలని కోరారు. అధికారులు ఇప్పటికే ఆ ప్రాంతాన్ని పరిశీలించి స్థానికులకు అవగాహన కల్పిస్తున్నారు.

రాత్రి పూట మరియు తెల్లవారుజామున బయట సంచరించేవారికి ప్రమాదం ఉందని స్థానికులు ఆందోళన వ్యక్తం చేస్తున్నారు. కొండ నుండి కిందికి వచ్చే దారుల్లో భద్రతా చర్యలు తీసుకోవాలని అక్కడి ప్రజలు అధికారులను కోరుతున్నారు.