లోక్‌సభ సీట్ల పునర్విభజన: తెలంగాణ, ఏపీలో సీట్ల పెంపు ప్రతిపాదన

ప్రధాని ఆర్థిక సలహా మండలి లోక్‌సభ నియోజకవర్గాల పునర్విభజనపై కీలక ప్రతిపాదనలు చేసింది. లోక్‌సభ స్థానాలను 824కు పెంచాలని, 170 స్థానాలను మాత్రమే విభజించాలని సూచించింది.

తెలంగాణలో హైదరాబాద్, సికింద్రాబాద్, మల్కాజగిరి, మెదక్ పార్లమెంట్ స్థానాలను మూడుగా విభజించాలని, చేవెళ్ల స్థానాన్ని రెండుగా విభజించాలని సిఫారసు చేసింది. దీంతో రాష్ట్రంలో ప్రస్తుతం 17 ఉన్న లోక్‌సభ సీట్లు 26కు పెరగనున్నాయి.

ఏపీలో రాజంపేట, కడప, నంద్యాల, కర్నూలు, అనంతపురం, విశాఖపట్నం స్థానాలను మూడుగా, మచిలీపట్నం స్థానాన్ని రెండుగా విభజించాలని ప్రతిపాదించింది. ఈ మార్పులతో ఏపీలో సీట్ల సంఖ్య 25 నుండి 38కి చేరుకుంటుంది.

373 స్థానాలను యథాతథంగా ఉంచి, మిగతా 170 స్థానాల్లోనే మార్పులు చేయాలన్న సూచనను ఆర్థిక సలహా మండలి సమర్పించింది. దేశవ్యాప్తంగా జనాభా ప్రాతిపదికన సీట్ల పెంపు అంశంపై చర్చలు కొనసాగుతున్నాయి.