ఆత్మకూరులో నేడు భారీ జాబ్ మేళా; 2,000కు పైగా ఖాళీలు

ఏపీ నైపుణ్య అభివృద్ధి సంస్థ ఆధ్వర్యంలో నేడు ఆత్మకూరు బైపాస్ వద్ద ఉన్న విజయ జూనియర్ కాలేజీ ప్రాంగణంలో భారీ జాబ్ మేళా జరగనుంది.

ఈ మేళాలో 20కి పైగా కంపెనీలు పాల్గొంటాయని మంత్రి నారా లోకేష్ తెలిపారు.

2,000కు పైగా ఖాళీలను భర్తీ చేయనున్నారు.

10వ తరగతి, ఇంటర్, ఐటీఐ, డిప్లొమా, డిగ్రీ, బీటెక్ వంటి వివిధ కోర్సులు పూర్తి చేసిన అభ్యర్థులు ఈ మేళాకు హాజరు కావచ్చు.

ఎలక్ట్రికల్, ఎనర్జీ సిస్టమ్స్, ఇండస్ట్రియల్ ఇంజనీరింగ్ వంటి రంగాల అభ్యర్థులకు ప్రాధాన్యత ఉంటుంది.

ఈ అవకాశాన్ని నిరుద్యోగ యువత సద్వినియోగం చేసుకోవాలని మంత్రి లోకేష్ పిలుపునిచ్చారు.