కడపలో రూ.3,100 కోట్లతో దాల్మియా సిమెంట్ విస్తరణకు మంత్రి లోకేష్ శంకుస్థాపన

కడప జిల్లా మైలవరం మండలం చిన్న కొమర్ల సమీపంలో దాల్మియా సిమెంట్ రెండో ప్లాంట్ విస్తరణకు మంత్రి నారా లోకేష్ శంకుస్థాపన చేశారు. రూ.3,100 కోట్ల పెట్టుబడితో చేపడుతున్న ఈ విస్తరణతో 700 మందికి ఉపాధి అవకాశాలు లభించనున్నాయి.

దాల్మియా భారత్ సంస్థకు మూడు అత్యాధునిక పరిశోధన, అభివృద్ధి కేంద్రాలు, రోబోటిక్ ల్యాబ్‌లు ఉన్నాయి. సిమెంట్ సాంకేతికత, సుస్థిరతకు సంబంధించి కొత్త మార్గాలను అన్వేషిస్తున్నట్లు సంస్థ తెలిపింది.

ఈ కార్యక్రమంలో రాష్ట్ర పరిశ్రమల శాఖ మంత్రి టి.జి. భరత్, జమ్మలమడుగు ఎమ్మెల్యే ఆదినారాయణ రెడ్డి, కడప ఎమ్మెల్యే మాధవి రెడ్డి, జిల్లా కలెక్టర్ చెరుకూరి శ్రీధర్ తదితరులు పాల్గొన్నారు.