వైఎస్ఆర్సీపీ 'జగనన్న 2.0' సూపర్ యాప్ ను ప్రారంభించింది

YSRCP అధ్యక్షుడు వైఎస్ జగన్‌మోహన్ రెడ్డి ఇవాళ 'జగనన్న 2.0' సూపర్ యాప్‌ను విడుదల చేశారు. పార్టీ కార్యకర్తల కోసం రూపొందించిన ఈ యాప్ వారికి ప్రత్యేకమైన డిజిటల్ వేదికను కల్పిస్తుంది.

పార్టీ వర్గాలు తెలిపిన వివరాల ప్రకారం, ఈ యాప్ ద్వారా కార్యకర్తలు తమ అభిప్రాయాలను నిర్భయంగా చెప్పొచ్చు. నియోజకవర్గ స్థాయి నుంచి రాష్ట్ర స్థాయి నాయకులతో నేరుగా సంప్రదించే అవకాశం ఉంటుంది.

సోషల్ మీడియాలో తమ కంటెంట్‌ను ఇష్టారీతిన డిలీట్ చేస్తున్నారని YSRCP ఆరోపించింది. ఈ నేపథ్యంలోనే ఈ సొంత యాప్‌ను తీసుకొచ్చినట్లు పార్టీ పేర్కొంది. పార్టీ వర్గాల ప్రకారం, బాహ్య వేదికల ఆంక్షలను అధిగమించేలా ఈ యాప్ రూపకల్పన చేశారు.