బోనాల 2026: మూడు అంతరాల మట్టి కుండ బోనంతో భక్తురాలు ప్రత్యేక ఆకర్షణ

హైదరాబాద్‌లోని గోల్కొండ కోట వద్ద తొలిపోనం సందర్భంగా ఒక భక్తురాలు అందరి దృష్టిని ఆకర్షించింది. మహబూబ్‌నగర్ జిల్లా వెల్గొంల గ్రామానికి చెందిన పూజకుమారి అనే భక్తురాలు సంప్రదాయ మూడు అంతరాల మట్టి కుండ బోనాన్ని తీసుకుని వచ్చారు. ఆమె వెంట 31 బోనాలు, ఐదుగురు పోతరాజులు కూడా ఉన్నారు.

పూజకుమారి చెప్పిన వివరాల ప్రకారం, ఈ బోనం పూర్తిగా మట్టి, పసుపు, వేపాకులతోనే తయారు చేసినట్లు తెలిపారు. వాణిజ్యపరమైన రంగులు, పెయింట్లు వాడకుండా కేవలం పవిత్ర వస్తువులతోనే దీన్ని సిద్ధం చేసినట్లు ఆమె వివరించారు. ఆమె గురువు నాగర్‌కర్నూల్ జిల్లా కుప్పగండ్ల గ్రామానికి చెందిన శారదమ్మ అని చెప్పారు.

పూజకుమారి మాట్లాడుతూ, ‘పూర్వీకుల కాలం నుంచి వచ్చిన ఆచారం కుండలలో బోనం చేయడం. ఇప్పుడు బంగారు, వెండి, రాగి బోనాలు వచ్చాయి కానీ, మట్టి కుండ బోనమే అమ్మవారికి సంతోషం ఇస్తుంది’ అని అన్నారు. ప్రతి సంవత్సరం తొలిపోనం రోజునే ఇలా మట్టి కుండ బోనం తీసుకొస్తామని ఆమె తెలిపారు.

తొలిపోనం రోజు గోల్కొండ ప్రాంగణం భక్తులతో కిటకిటలాడింది. సంప్రదాయ కుండల బోనాలు సంస్కృతీ సంప్రదాయాలకు ప్రతీకగా నిలిచాయి. మహబూబ్‌నగర్, నాగర్‌కర్నూల్ ఉమ్మడి జిల్లాల నుంచి భక్తులు పెద్ద సంఖ్యలో హాజరయ్యారు.