నీట్ పేపర్ లీకేజీ: 111 కెమిస్ట్రీ ప్రశ్నలను 5 లక్షలకు విక్రయించినట్లు సీబీఐ వెల్లడి

నీట్ యూజీ పేపర్ లీకేజీ కేసులో సీబీఐ కోర్టుకు కీలక నివేదిక సమర్పించింది. కెమిస్ట్రీ ప్రశ్నపత్రాల సెట్లను ఐదు లక్షల రూపాయలకు విక్రయించినట్లు ఆధారాలు లభించాయని తెలిపింది. నిందితుడు శివరాజ్ అనే కోచింగ్ సెంటర్ యజమాని నీట్ ప్రశ్నపత్ర రూపకల్పన కమిటీ సభ్యుడు పి.వి. కులకర్ణి నుంచి ప్రశ్నలు సేకరించాడు. శివరాజ్ కుమారుడు కులకర్ణి నిర్వహించే కోచింగ్ క్లాసులకు హాజరైనట్లు దర్యాప్తు సంస్థ గుర్తించింది.

శివరాజ్ ఫోన్‌ను పరిశీలించిన సీబీఐ 36 ఫొటోలను స్వాధీనం చేసుకుంది. వాటిలో చేతితో రాసిన 132 కెమిస్ట్రీ ప్రశ్నలు ఉన్నాయి. ఈ ప్రశ్నల్లో 111 నీట్ యూజీ మాస్టర్ పేపర్‌లోని ప్రశ్నలతో సరిపోలాయి. మే 5న జరిగిన పరీక్షకు 10 రోజుల ముందే ఈ ఫొటోలు తీసినట్లు సీబీఐ తేల్చింది. చేతిరాత నోట్స్ శివరాజ్‌వేనని ధృవీకరించింది.

ఈ కేసులో ఇప్పటివరకు 13 మందిని అరెస్ట్ చేశారు. అందరూ ప్రస్తుతం జుడిషియల్ కస్టడీలో ఉన్నారు. పేపర్ లీకేజీ కారణంగా మే 5 పరీక్షను ప్రభుత్వం రద్దు చేసింది. తిరిగి జూన్ 21న నీట్ పరీక్ష నిర్వహించనున్నారు.