గుంటూరు బ్రిడ్జి నిర్మాణం వేగంగా: కేంద్ర మంత్రి పమ్మసాని చంద్రశేఖర్

గుంటూరు నగరంలో బ్రిడ్జ్ల నిర్మాణం వేగంగా జరుగుతోందని కేంద్ర మంత్రి పమ్మసాని చంద్రశేఖర్ చెప్పారు. ప్రస్తుతం నాలుగు వంతెనల నిర్మాణం జరుగుతోంది.

2026 ఆగస్టు మొదటి వారంలో పనులు మొదలయ్యాయి. మరో ఒక ఏడాది లోపు వీటిని పూర్తి చేయాలని లక్ష్యంగా పెట్టుకున్నట్లు ఆయన తెలిపారు.

నిర్మాణంలో కొన్ని సవాళ్లు ఉన్నాయి. పిల్లర్ల నిర్మాణం, రైల్వే అనుమతుల సమస్యలు త్వరలో పరిష్కారం అవుతాయన్నారు. స్టీల్ రాడ్లు, గ్రావెల్ లాంటి మెటీరియల్ కొరత కూడా ఉంది. కార్మికుల కొరత పెద్ద సమస్యగా మారింది. అమరావతి నిర్మాణాలు, వెస్ట్ బెంగాల్ ఎన్నికలు, బంగ్లాదేశ్ కార్మికులు స్వదేశానికి వెళ్లడం వంటి కారణాలతో లేబర్ షార్టేజ్ ఏర్పడిందని వివరించారు.

ఈ సమస్యలన్నీ అధిగమించి గడువులోగా పనులు పూర్తి చేస్తామని మంత్రి హామీ ఇచ్చారు. ప్రజలకు మెరుగైన రవాణా సౌకర్యాలు కల్పించడమే ప్రభుత్వ లక్ష్యమని చెప్పారు.