హనుమకొండ కాకతీయ యూనివర్సిటీలో పేలవ హాస్టల్ సౌకర్యాలపై విద్యార్థుల నిరసన

కాకతీయ విశ్వవిద్యాలయం న్యూ పీజీ హాస్టల్లో పేలవ వసతులపై విద్యార్థులు నిరసన చేపట్టారు. డ్రైనేజీ, వాష్ రూమ్ల నిర్వహణ, మెస్ లో ఆహార నాణ్యత తదితర సమస్యలను ఎత్తిచూపుతూ వారు ఆందోళనకు దిగారు.

విద్యార్థుల ప్రకారం, హాస్టల్లోని టాయిలెట్లు, స్నానాల గదులు వారంలో ఒకసారి కూడా శుభ్రం చేయడం లేదు. మెస్ లో సరైన వంట సదుపాయాలు లేకపోవడంతో నాణ్యత లేని భోజనం అందుతుంది. వాష్ బేసిన్లూ పనిచేయని స్థితిలో ఉన్నాయని వారు ఆరోపించారు.

ఈ సమస్యలపై గతంలోనూ అధికారుల దృష్టికి తీసుకెళ్లినా పరిష్కారం జరగలేదని విద్యార్థులు తెలిపారు. నిరసన చేపట్టిన విద్యార్థులతో అధికారులు చర్చలు జరిపి నచ్చజెప్పేందుకు ప్రయత్నించినా వారు శాంతించలేదు. సమస్యలు పూర్తిగా పరిష్కరించే వరకు ఆందోళన కొనసాగిస్తామని విద్యార్థులు స్పష్టం చేశారు.