పత్తికొండలో లోకేశ్: జొన్నగిరిని స్వర్ణగిరిగా నామకరణం, గోల్డ్ మైనింగ్‌తో ఉద్యోగాలు

మంత్రి నారా లోకేశ్ బుధవారం పత్తికొండలో యువతను ఉద్దేశించి ప్రసంగించారు. ఈ సందర్భంగా స్థానిక యువత ఉత్సాహాన్ని ఆయన అభినందించారు.

ఇటీవల ముఖ్యమంత్రి చంద్రబాబు నాయుడు పత్తికొండలోని జొన్నగిరిని స్వర్ణగిరిగా పేరు మార్పు చేసిన విషయాన్ని లోకేశ్ ప్రస్తావించారు. భారతదేశంలోనే తొలిసారి ఓ ప్రైవేట్ సంస్థ ఇక్కడ బంగారు మైనింగ్ ప్రారంభించిందని, ఈ ప్రాజెక్టు ద్వారా స్థానిక యువతకు ఉద్యోగాలు లభిస్తాయని తెలిపారు.

ఎమ్మెల్యే శ్యామ్ యువకుడిగా, అహర్నిశలు నియోజకవర్గం కోసం శ్రమిస్తున్నారని లోకేశ్ పేర్కొన్నారు. ఆదోని పర్యటన తర్వాత ఒకరోజు విరామం తీసుకుని మళ్లీ పత్తికొండకు వచ్చినట్లు చెప్పారు.