మహానాడులో స్త్రీ శక్తి థీమ్: లోకేష్ 1875 క్లస్టర్ ఇంచార్జీలతో సమీక్ష

TDP వర్కింగ్ ప్రెసిడెంట్ నారా లోకేష్ పార్టీ 1875 క్లస్టర్ ఇంచార్జీలతో virtual సమీక్ష నిర్వహించారు. రానున్న మహానాడు కార్యక్రమాన్ని పండుగ వాతావరణంలో నిర్వహించాలని సూచించారు.

ఈ మహానాడును 'స్త్రీ శక్తి' థీమ్‌తో నిర్వహించనున్నట్లు లోకేష్ తెలిపారు. పార్టీలో మహిళలను పెద్ద ఎత్తున ప్రోత్సహించడమే లక్ష్యమని చెప్పారు.

క్లస్టర్ పరిధిలోని కుటుంబ సాధికార సారథి, బూత్ ఇంచార్జ్, గ్రామ పార్టీ అధ్యక్షులు, గ్రామ కమిటీ, క్లస్టర్ కమిటీ సభ్యులు మహానాడులో పాల్గొనాలని కోరారు. MLAలు ఇంచార్జ్‌లతో సమన్వయం చేసుకోవాలని కూడా సూచించారు.

పార్టీలో వ్యక్తులు శాశ్వతం కాదు, వ్యవస్థ శాశ్వతమని లోకేష్ అన్నారు. ఆ వ్యవస్థను బలోపేతం చేసేందుకే క్లస్టర్ ఇంచార్జ్ పదవి అవకాశం ఇచ్చినట్లు పేర్కొన్నారు. క్లస్టర్ ఇంచార్జ్‌కు ఎక్కువ బాధ్యత ఇవ్వాలని పార్టీ అధ్యక్షుడు చంద్రబాబు నాయుడు ఆదేశించినట్లు తెలిపారు.