దీర్ఘకాలం గ్యాస్ట్రిక్ టాబ్లెట్లు వాడటం ప్రమాదకరం: డాక్టర్ సురేష్ కుమార్ హెచ్చరిక

PACE హాస్పిటల్స్ కు చెందిన డాక్టర్ సురేష్ కుమార్ S, గ్యాస్ట్రిక్ సమస్యలపై స్పందిస్తూ కొన్ని మెడిసిన్లతో పాటు గ్యాస్ట్రిక్ టాబ్లెట్లు ఇవ్వడం సాధారణమే అయినప్పటికీ, వాటిని దీర్ఘకాలం కొనసాగిస్తే తీవ్రమైన అనర్థాలు సంభవించవచ్చని హెచ్చరించారు.

యాంటీబయోటిక్స్, పెయిన్ కిల్లర్స్ వంటి మందుల వల్ల వచ్చే గ్యాస్ట్రైటిస్ కు రెండు వారాల పాటు గ్యాస్ట్రిక్ టాబ్లెట్లు ఇవ్వడం సాధారణమని ఆయన వివరించారు. ఈ కోర్సు తర్వాత నొప్పి తగ్గకపోతే మరిన్ని పరీక్షలు చేయాలని సూచించారు.

అయితే కొందరు రోగులు ఆ టాబ్లెట్లను అలవాటు చేసుకుని రోజూ వాడటం ప్రారంభిస్తారు. 10-15 ఏళ్ల పాటు నిరంతరం వాడిన వారు కూడా తమ వద్దకు వచ్చినట్లు డాక్టర్ వెల్లడించారు.

ఇలా అనియంత్రితంగా వాడడం వల్ల ఎముకల బలహీనత, గ్యాస్ట్రిక్ మ్యూకోసా దెబ్బతినడం, కొన్ని సందర్భాల్లో ట్యూమర్లు వచ్చే ప్రమాదం ఉన్నట్లు ఆయన హెచ్చరించారు. మెడిసిన్ డాక్టర్ సలహా లేకుండా మనంతట మనమే నిరంతరం వాడటం సరికాదని ఆయన సూచించారు.