ప్రతిరోజు మొక్కలు నాటాలని బీజేపీ నేత మాధవ పిలుపు

బీజేపీ రాష్ట్ర అధ్యక్షుడు మాధవ ప్రపంచ పర్యావరణ దినోత్సవం రోజున విజయవాడ దేవి నగర్లో మొక్కలు నాటారు. పార్టీ కార్యకర్తలతో కలిసి ఈ కార్యక్రమం నిర్వహించి, ప్రతిరోజు మొక్కలు నాటాలని ఆయన పిలుపునిచ్చారు.

ప్రధాని నరేంద్ర మోదీ ఇచ్చిన ‘అమ్మ పేరుతో ఒక మొక్క’ పిలుపు మేరకు ఈ కార్యక్రమాన్ని ప్రారంభించినట్లు మాధవ తెలిపారు. ఆంధ్రప్రదేశ్‌లో త్వరలో 10 లక్షల తాటి చెట్లు నాటే కార్యక్రమం చేపడతామని ప్రకటించారు.

ఆంధ్రప్రదేశ్ రాష్ట్ర వృక్షంగా తాటి చెట్టును గుర్తించాలని, తాటి చెట్టు ఆధారిత పరిశ్రమలను ప్రోత్సహించాలని ఆయన డిమాండ్ చేశారు. పామ్ బోర్డు ఏర్పాటు చేయాలని కూడా కోరారు. చెట్టును తల్లిలా చూసుకోవాలని, ప్రకృతితో సమన్వయంగా జీవించడం వేదాల్లో ఉందని మాధవ గుర్తు చేశారు.