మహబూబాబాద్‌లో పగటిపూట చోరీ: బంగారం, వెండి, ₹5 లక్షల నగదు ఎత్తుకెళ్లారు

మహబూబాబాద్ పట్టణంలోని రాహుల్ నగర్ కాలనీలో ఓ ఇంటి తాళం పగలగొట్టి దుండగులు బంగారం, వెండి, నగదు దోచుకెళ్లారు. పగటిపూట జరిగిన ఈ చోరీతో స్థానికంగా ఆందోళన నెలకొంది.

బీరువా నుంచి ఐదు తులాల బంగారం, 50 తులాల వెండి, ₹5 లక్షల నగదు పోయినట్లు బాధిత కుటుంబం పోలీసులకు ఫిర్యాదు చేసింది. బంగారు నగలు, కడియాలు కూడా దోచుకెళ్లినట్లు కుటుంబ సభ్యులు తెలిపారు.

ఇంటి యజమాని ఉదయం 7 గంటలకు షాపుకు వెళ్లారు. 10:35 గంటలకు ఇంటికి తిరిగి వచ్చి భార్యను తీసుకెళ్లారు. ఆమె గేటుకు తాళం వేసింది. సాయంత్రం 5:30 గంటలకు తిరిగి వచ్చేసరికి గేటు తెరిచి ఉంది. లోపలికి వెళ్లి చూడగా ఇంటి తలుపు, బీరువా తాళాలు పగలగొట్టి ఉన్నాయి.

పొరుగువారు తెలిపిన వివరాల ప్రకారం ఇద్దరు వ్యక్తులు బైక్‌పై అక్కడి నుంచి వెళ్లారు. వారిని గుర్తించే అవకాశం ఉందని స్థానికులు చెబుతున్నారు.

DSP తిరుపతి రావు ఘటనాస్థలాన్ని పరిశీలించారు. ఫిర్యాదు అందుకున్న పోలీసులు దర్యాప్తు చేపట్టారు. పాత నేరస్థులను విచారిస్తున్నట్లు పోలీసులు తెలిపారు. దుండగులను పట్టుకోవాలని బాధిత కుటుంబం కోరుతోంది.