మహబూబాబాద్‌లో ఉపాధ్యాయుడి ఇంటింటి ప్రచారం: ప్రభుత్వ బడిలోనే పిల్లలను చేర్పిస్తామని ప్రతిజ్ఞ

మహబూబాబాద్ జిల్లా గూడూరు మండలం పాటిమీది గూడెం గ్రామంలో ఒక ప్రభుత్వ పాఠశాల ఉపాధ్యాయుడు విద్యార్థుల నమోదు కోసం ఇంటింటికీ వెళ్లారు. డప్పు మోతతో గ్రామంలో ప్రచారం చేశారు.

ఆయన తల్లిదండ్రులను కలిసి ప్రైవేటు పాఠశాలలకు పంపకుండా ప్రభుత్వ పాఠశాలలోనే పిల్లలను చేర్పిస్తామని ప్రతిజ్ఞ చేయించారు. ప్రభుత్వ బడిని కాపాడుకోవాల్సిన బాధ్యత గ్రామ ప్రజలందరిపై ఉందని ఆయన తెలిపారు.

రాష్ట్ర ప్రభుత్వం ప్రభుత్వ పాఠశాలల అభివృద్ధికి పెద్ద ఎత్తున నిధులు కేటాయిస్తోందని, నాణ్యమైన విద్య, పౌష్టికాహారం అందించేందుకు చర్యలు తీసుకుంటోందని ఉపాధ్యాయుడు వివరించారు. సర్కారు బడి సూపర్ బడిగా మారిందని, విద్యార్థుల భవిష్యత్తుకు ఇది భరోసా అని చెప్పారు.