మహారాష్ట్ర టెట్ పరీక్ష పేపర్ లీక్: SIT దర్యాప్తుకు ఆదేశం

మహారాష్ట్రలో టీచర్స్ ఎలిజిబిలిటీ టెస్ట్ (టెట్) పరీక్షా పత్రం లీక్ అయిన ఘటనపై ప్రభుత్వం ప్రత్యేక దర్యాప్తు బృందాన్ని (SIT) ఏర్పాటు చేసింది.

భివాండి పోలీస్ స్టేషన్‌లో ఈ కేసుకు సంబంధించి FIR నమోదు చేశారు. ముగ్గురు నిందితులను అరెస్టు చేశారు. ఆదివారం నిర్వహించాల్సిన ఈ పరీక్షను అధికారులు వాయిదా వేశారు. పరీక్షను పూర్తిగా రద్దు చేసే అవకాశం ఉందని మహారాష్ట్ర ప్రభుత్వం ప్రకటించింది.

ఈ ఘటనపై కాంగ్రెస్ నేత రాహుల్ గాంధీ స్పందించారు. ఎన్‌డీయే పాలిత రాష్ట్రాల్లో పరీక్షల పత్రాలు లీక్ కావడం, నిర్వహణలో విఫలమవుతున్నారని, యువత భవిష్యత్తుతో చెలగాటమాడుతున్నారని ఆయన విమర్శించారు. విపక్షాలు కూడా ప్రభుత్వ వైఖరిపై ఆగ్రహం వ్యక్తం చేశాయి. విద్యార్థి సంఘాలు కూడా నిరసన తెలిపాయి.

పేపర్ లీక్ వల్ల విద్యార్థులపై మానసిక ఒత్తిడి పెరుగుతుందని, గతంలో నీట్ ఫలితాల సందర్భంగా ఆందోళన చెందిన విద్యార్థుల ఆత్మహత్యల ఘటనలు గుర్తుచేస్తూ రాహుల్ గాంధీ ట్వీట్ చేశారు. దర్యాప్తు కొనసాగుతోందని అధికారులు తెలిపారు.