PCC చీఫ్ మార్పు వార్తలపై మహేష్ కుమార్ గౌడ్ స్పందన

తెలంగాణ కాంగ్రెస్ PCC అధ్యక్షుడు మహేష్ కుమార్ గౌడ్ తన పదవిలో మార్పు జరుగుతుందని వస్తున్న మీడియా వార్తలపై స్పందించారు. PCC అధ్యక్షుడి పనితీరుపై నిర్ణయం తీసుకోవాల్సింది AICC నాయకత్వమని, రాష్ట్ర ముఖ్యమంత్రి రేవంత్ రెడ్డి అని చెప్పారు. ఒక చానల్ వార్త మాత్రమే తన పనితీరుకు కొలమానం కాదని మహేష్ కుమార్ గౌడ్ అన్నారు.

తాను గత 20 నెలలుగా పార్టీ నిర్మాణం కోసం ముఖ్యమంత్రితో కలిసి పని చేస్తున్నానని చెప్పారు. AICC దృష్టిలో తెలంగాణ PCC అత్యంత చురుకైన PCC గా ఉందని, AICC సీనియర్ నేత K.C. వేణుగోపాల్ స్వయంగా ఈ గుర్తింపు ఇచ్చారని మహేష్ కుమార్ గౌడ్ పేర్కొన్నారు.

హైదరాబాద్‌లోని గాంధీ భవన్‌ను ఒక trust నిర్వహిస్తోందని, ఆ property ని trust లీజుకు ఇచ్చిందని, కాంగ్రెస్ పార్టీ నెలకు ఒక రూపాయి అద్దె చెల్లిస్తోందని ఆయన వివరించారు. ఆ property లో ఏదైనా జరిగినా పార్టీ బాధ్యత వహించదని స్పష్టం చేశారు.

మీడియా సంస్థలకు తమ అభిప్రాయాలు వ్యక్తం చేసే స్వేచ్ఛ ఉందని, అయితే తప్పుడు వార్తలపై పార్టీ నేతలు, కార్యకర్తలు పెద్దగా స్పందించవద్దని మహేష్ కుమార్ గౌడ్ సూచించారు. సరైన సమయంలో అన్ని విషయాలపై స్పందిస్తానని చెప్పారు.