గ్రామ పంచాయతీలకు భారీ సంస్కరణలు: 13,351 పంచాయతీల పునర్వర్గీకరణ

రాష్ట్రంలో గ్రామ పంచాయతీ పరిపాలనలో ప్రభుత్వం భారీ సంస్కరణలకు శ్రీకారం చుట్టింది. రాష్ట్రంలోని 13,350 గ్రామ పంచాయతీలను జనాభా మరియు ఆదాయ ప్రమాణాల ఆధారంగా నాలుగు గ్రేడ్లుగా పునర్వర్గీకరించాలని కీలక నిర్ణయం తీసుకుంది.

ఈ పునర్వర్గీకరణలో 359 గ్రేడ్ 1, 382 గ్రేడ్ 1A, 3,163 గ్రేడ్ 2, మరియు 6,747 గ్రేడ్ 3 గ్రామ పంచాయతీలు ఉన్నాయి. గ్రామీణ ప్రాంతాల్లో పట్టణ స్థాయి సేవలు అందించడమే లక్ష్యంగా కొత్త విభాగాల ఏర్పాటు, సిబ్బంది పునర్వ్యవస్థీకరణ మరియు డిజిటల్ పరిపాలనకు ప్రభుత్వం ప్రాధాన్యం ఇచ్చింది.

ఇప్పటివరకు అమల్లో ఉన్న 7,244 క్లస్టర్ గ్రామ పంచాయతీల వ్యవస్థను రద్దు చేసి, ప్రతి గ్రామ పంచాయతీని స్వతంత్ర పరిపాలన యూనిట్‌గా గుర్తించింది ప్రభుత్వం. గ్రామీణ ప్రాంతాల్లో పెరుగుతున్న జనాభా మరియు పట్టణ స్థాయి సౌకర్యాల అవసరాన్ని దృష్టిలో ఉంచుకొని ఈ నిర్ణయం తీసుకున్నట్లు తెలిపింది.

పంచాయతీ కార్యదర్శి పదవిని ఇకపై పంచాయతీ అభివృద్ధి అధికారి (PDO) గా మార్చారు. అలాగే PDO పోస్టులను మూడు గ్రేడ్లుగా హేతుబద్ధీకరించారు. ఈ విభాగాల్లో పనిచేసే సిబ్బంది వేతనాలను గ్రామ పంచాయతీల సాధారణ నిధుల నుంచే చెల్లించనున్నారు. డిజిటల్ పరిపాలనకు మరింత ఊతమిస్తూ పంచాయతీరాజ్ శాఖలో ప్రత్యేక IT విభాగాన్ని ఏర్పాటు చేయాలని నిర్ణయించారు.