హరీష్ రావు విమర్శలపై మల్లు రవి కౌంటర్: ఓటమి బాధలో BRS నేతలు మతి కోల్పోయారని ఆరోపణ

Congress MP Mallu Ravi మాట్లాడుతూ, హరీష్‌ రావు, KTR లు ఓటమి బాధలో మతి‌స్థిమితం కోల్పోయి మాట్లాడుతున్నారని ఆరోపించారు. BRS నేతలు ప్రతిపక్షంగా ఉండటం వల్ల ఏం చెప్పాలో తెలియక నోటికి వచ్చినట్టు మాట్లాడుతున్నారని అన్నారు.

ఆయన రేవంత్ రెడ్డి ప్రభుత్వం అమలు చేస్తున్న పథకాలను ప్రస్తావించారు. సన్న బియ్యం పేదలకు అందిస్తున్నామని, ఇందిరమ్మ ఇండ్ల పథకం కింద 4.5 లక్షల ఇండ్లను ఇప్పటికే ఇచ్చామని, రెండో విడత కూడా ఇవ్వబోతున్నామని తెలిపారు. మహిళలకు బస్సుల్లో ఉచిత ప్రయాణం, 200 యూనిట్ల వరకు ఉచిత విద్యుత్తు, రూ.500 కు గ్యాస్ సిలిండర్ వంటి పథకాలు అమలు చేస్తున్నామని చెప్పారు. ఇప్పటికే 68,000 మంది యువతకు ఉద్యోగాలు కల్పించామని, రైతుల రుణ మాఫీ కోసం రూ.21,000 కోట్లను రైతు ఖాతాల్లో జమ చేశామని ఆయన తెలిపారు.

Mallu Ravi ఇంకా మాట్లాడుతూ, రేవంత్ రెడ్డి పాలనను ప్రశంసించారు. ఇటీవల కేరళ, తమిళనాడు వంటి రాష్ట్రాల్లోని ముఖ్యమంత్రులు కూడా తెలంగాణ మోడల్ ను అనుసరిస్తున్నారని, కేంద్రంలో కూడా తెలంగాణ విధానాలు ఆదర్శంగా మారుతున్నాయని అన్నారు.

ఈ విషయంపై హరీష్‌ రావు, KTR స్పందన లభ్యం కాలేదు.