మహిళలపై వేధింపులు, 'కాల్ గర్ల్స్' ఫోటో పోస్టింగ్: నిందితుడి అరెస్ట్

శంషాబాద్ ఎయిర్పోర్ట్ పోలీసులు మహిళలను వేధించి, వారి ఫోటోలను 'కాల్ గర్ల్స్' అని సోషల్ మీడియాలో పోస్ట్ చేసిన చెన్నూరు స్వామి అనే వ్యక్తిని అరెస్ట్ చేశారు.

పోలీస్ అధికారి ఏసీపీ శ్రీకాంత్ గౌడ్ తెలిపిన వివరాల ప్రకారం, నిందితుడు క్యాటరింగ్ వ్యాపారం చేసేవాడు. తనకు డబ్బులు చెల్లించని మహిళా కస్టమర్లకు వరుసగా ఫోన్ చేసి అసభ్యంగా మాట్లాడేవాడు. ఆన్లైన్ చెల్లింపు చేయాలని బలవంతం చేసేవాడు. అంతేకాకుండా, బాధిత మహిళల ఫోటోలు, ఫోన్ నంబర్లను సోషల్ మీడియాలో 'కాల్ గర్ల్స్' అనే ట్యాగ్‌తో పోస్ట్ చేసి వేధించేవాడు.

వివిధ ఫోన్ నంబర్లను ఉపయోగించి ఎవరికీ దొరకకుండా ఈ తరహా చర్యలు కొనసాగించాడు. బాధితుల ఫిర్యాదు మేరకు కేసు నమోదు చేసుకున్న పోలీసులు నిందితుడిని అదుపులోకి తీసుకున్నారు. అతని నుండి ఫోన్, ఎలక్ట్రానిక్ పరికరాలు స్వాధీనం చేసుకున్నారు.