మనాలీలో పర్యాటకుల వరద — కిలోమీటర్ల మేర ట్రాఫిక్ జామ్

వేసవి వడగాలుల నుండి తప్పించుకునేందుకు పర్యాటకులు మనాలీకి పెద్ద సంఖ్యలో వస్తున్నారు. వీకెండ్ సెలవులు కావడంతో కుటుంబాలు హిమాచల్ ప్రదేశ్‌లోని మనాలీకి తరలివెళ్లాయి.

హఠాత్తుగా పెరిగిన పర్యాటకుల రాకతో మనాలీకి వచ్చే రహదారులపై కిలోమీటర్ల మేర వాహనాలు నిలిచిపోయాయి. నిన్న రాత్రి దాదాపు 9 గంటలకు పైగా ట్రాఫిక్‌లో చిక్కుకుపోయామని కొందరు పర్యాటకులు తెలిపారు.

వాతావరణ శాఖ మరో వారం పాటు ఉత్తర భారతంలో తీవ్రమైన వడగాలులు కొనసాగే అవకాశం ఉందని హెచ్చరించింది. ప్రజలు అప్రమత్తంగా ఉండాలని కూడా సూచించింది.

ట్రాఫిక్ నిర్వహణ సక్రమంగా లేదని పర్యాటకులు అసంతృప్తి వ్యక్తం చేస్తున్నారు. అధికారులు వెంటనే స్పందించి ట్రాఫిక్ క్లియర్ చేయాలని కోరుతున్నారు.