మంచిర్యాల: 21 లక్షల నకిలీ వరి విత్తనాలు స్వాధీనం — నలుగురు అరెస్ట్

మంచిర్యాల జిల్లా కోటపల్లి మండలం రాపనపల్లి అంతర్రాష్ట్ర చెక్‌పోస్ట్ వద్ద పోలీసులు మహారాష్ట్ర నుంచి తరలిస్తున్న నకిలీ వరి విత్తనాలను స్వాధీనం చేసుకున్నారు. సుమారు 30 టన్నుల విత్తనాలు ఒక లారీలో తీసుకొస్తుండగా అర్ధరాత్రి వేళ తనికీలో పట్టుబడ్డాయి. వీటి విలువ 21 లక్షల రూపాయలుగా అంచనా వేస్తున్నారు.

చెక్‌పోస్ట్‌లో పోలీసులు, వ్యవసాయ శాఖ, రెవెన్యూ అధికారులు సంయుక్తంగా తనికీ నిర్వహించారు. విత్తనాలకు సంబంధించిన బిల్లులు, మహారాష్ట్ర వ్యవసాయ శాఖ జారీ చేసిన సర్టిఫికెట్లు, లైసెన్స్, రైతులతో MoU — ఏ పత్రాలూ లేవని అధికారులు గుర్తించారు. దీంతో పంచనామా నిర్వహించి కేసు నమోదు చేశారు.

జైపూర్ ASP వెంకటేశ్వరులు నలుగురిపై కేసు నమోదు చేసినట్లు ధృవీకరించారు. నకిలీ విత్తనాల పట్ల రైతులు అప్రమత్తంగా ఉండాలని వ్యవసాయ శాఖ అధికారులు హెచ్చరించారు.