మంచిర్యాలలో పోలీసుల స్పెషల్ డ్రైవ్; అక్రమ మద్యం, ఆయుధాలు స్వాధీనం

మంచిర్యాల పట్టణంలో నేరాల నియంత్రణ, మత్తు పదార్థాల రవాణాపై అడ్డుకట్ట వేసేందుకు పోలీసులు భారీ సర్చ్ ఆపరేషన్ నిర్వహించారు. రామగుండం పోలీస్ కమిషనర్ అంబర్ కిషోర్ జా పర్యవేక్షణలో అర్ధరాత్రి నుంచి ఈ తనిఖీలు జరిగాయి.

ఈ ఆపరేషన్‌లో సుమారు 300 మంది పోలీసులు పాల్గొన్నారు. కాలనీలను చుట్టుముట్టి ఇళ్లను తనిఖీ చేశారు. అనధికార మద్యం, అనుమతులు లేని వాహనాలు, కొన్ని ఆయుధాలను స్వాధీనం చేసుకున్నారు.

యువత చెడు మార్గం వైపు వెళ్లకుండా పలువురికి కౌన్సెలింగ్ నిర్వహించినట్లు పోలీసులు తెలిపారు. ప్రస్తుతం ఈ ప్రాంతంలో శాంతి భద్రతలు కట్టుదిట్టంగా ఉన్నాయి.