మంథని బస్ స్టేషన్ ఆధునికీకరణకు మంత్రులు శంకుస్థాపన

పెద్దపల్లి జిల్లాలోని మంథని పట్టణంలో స్థానిక బస్ స్టేషన్ ఆధునికీకరణ పనులకు రాష్ట్ర బీసీ సంక్షేమం, రోడ్లు భవనాలు శాఖ మంత్రి పొన్నం ప్రభాకర్, ఐటీ పరిశ్రమల శాఖ మంత్రి శ్రీధర్ బాబు సంయుక్తంగా శంకుస్థాపన చేశారు. ఈ సందర్భంగా వారు పలు అభివృద్ధి పనులను ప్రకటించారు.

మంత్రి పొన్నం ప్రభాకర్ మాట్లాడుతూ, ఆర్టీసీని ప్రభుత్వంలో విలీనం చేయడం తమ ప్రభుత్వ బాధ్యత అని, పెద్దపల్లి డిపో ఏర్పాటు చేయడానికి నిర్ణయం తీసుకున్నట్లు తెలిపారు. గత బీఆర్ఎస్ పాలనలో ఆర్టీసీ నిర్వీర్యమైందని ఆరోపించారు. 2027 గోదావరి పుష్కరాల ఏర్పాట్లపై సీఎం రేవంత్ రెడ్డి అధ్యక్షతన సబ్ కమిటీ సమీక్ష నిర్వహించిందని, అవసరమైన ఏర్పాట్లు చేపడతామని చెప్పారు.

మంత్రి శ్రీధర్ బాబు మాట్లాడుతూ, మంథని బస్ స్టేషన్ అభివృద్ధికి నిధులు కేటాయించినందుకు సీఎం రేవంత్ రెడ్డి, మంత్రి పొన్నం ప్రభాకర్కు ధన్యవాదాలు తెలిపారు. అలాగే కాళేశ్వర ముక్తేశ్వర ఆలయం వద్ద ప్రయాణ ప్రాంగణం నిర్మాణానికి రూ.3 కోట్లు మంజూరు చేసినట్లు తెలిపారు. పెద్దపల్లి జిల్లావాసుల చిరకాల డిమాండ్ అయిన పెద్దపల్లి డిపో నిర్మాణం త్వరలో పూర్తి చేస్తామని హామీ ఇచ్చారు. 2027 పుష్కరాల సందర్భంగా బాసర నుంచి భద్రాచలం వరకు అన్ని బస్ స్టేషన్లను నవీకరించి ప్రయాణికుల సౌకర్యాలు పెంచుతామని వివరించారు. మంథని బస్ స్టేషన్లో రెండు ప్రధాన ప్లాట్ఫారమ్ల నిర్మాణం, సిమెంటింగ్, పచ్చదనం, నీటి నిల్వ ఏర్పాట్లు చేపడతామన్నారు.

ఇటీవల ప్రభుత్వం చేపట్టిన ప్రజా రవాణా వ్యవస్థ బలోపేతం చర్యల్లో భాగంగా ఈ అభివృద్ధి పనులు జరుగుతున్నాయని ఇరువురు మంత్రులు తెలిపారు. గోదావరి పుష్కరాలకు ప్రత్యేక బస్సు సర్వీసులు ఏర్పాటు చేస్తామని, సమ్మక్క సారక్క జాతర తరహాలో పుష్కరాలకు ప్రజా రవాణా సౌకర్యాలు కల్పిస్తామని శ్రీధర్ బాబు అన్నారు.