మార్కాపురం పోలీసులు 41 చోరీ ఫోన్లు రికవరీ; CEIR వ్యవస్థతో ట్రాకింగ్

ప్రకాశం జిల్లా మార్కాపురం ఎర్రగొండపాలెం సర్కిల్ పరిధిలో చోరీకి గురైన 41 సెల్‌ఫోన్లను పోలీసులు రికవరీ చేశారు. ఈ ఫోన్ల విలువ సుమారు 8 లక్షల రూపాయలు.

గత 10 రోజులుగా ప్రత్యేక డ్రైవ్ నిర్వహించిన పోలీసులు, CEIR (Central Equipment Identity Register) వ్యవస్థ సాయంతో చోరీ ఫోన్లను గుర్తించారు. రికవరీ చేసిన ఫోన్లను బాధితులకు తిరిగి అప్పగించామని అధికారులు తెలిపారు.

పోలీసుల సూచనలు: ఎవరైనా మొబైల్ ఫోన్ పోగొట్టుకుంటే, నేరుగా పోలీస్ స్టేషన్‌కు వెళ్లాల్సిన అవసరం లేదు. CEIR పోర్టల్‌లో ఫిర్యాదు చేయడం ద్వారానే ఆ ఫోన్‌ను ట్రేస్ చేసి రికవరీ చేస్తామని అధికారులు తెలియజేశారు. కొత్త సిమ్ ఇన్సర్ట్ చేసిన వెంటనే పోలీసులకు సందేశం వస్తుందని, ఆ ఆధారంగా చర్యలు తీసుకుంటామని వివరించారు.