ఆన్లైన్ మందుల అమ్మకాలకు వ్యతిరేకంగా దేశవ్యాప్తంగా మెడికల్ షాపులు బంద్

ఆన్లైన్ మందుల అమ్మకాలను వ్యతిరేకిస్తూ దేశవ్యాప్తంగా మెడికల్ షాపులు బంద్ పాటించాయి. ఆల్ ఇండియా ఆర్గనైజేషన్ ఆఫ్ కెమిస్ట్ అండ్ డ్రగ్గిస్ట్స్ (AIOCD) పిలుపు మేరకు సుమారు 12.5 లక్షల మందుల దుకాణాలు మూతపడ్డాయి.

ఆన్లైన్ కంపెనీలు భారీ discounts ఇస్తున్నందున సాధారణ మెడికల్ షాపుల వ్యాపారం దెబ్బతింటోందని నిర్వాహకులు పేర్కొన్నారు. COVID-19 సమయంలో WhatsApp, email ద్వారా prescription పంపిస్తే home delivery చేయడానికి కేంద్రం ఇచ్చిన తాత్కాలిక అనుమతులను ఇప్పుడు రద్దు చేయాలని వారు డిమాండ్ చేస్తున్నారు. ఆ అనుమతులను ఆసరాగా తీసుకొని ఆన్లైన్ వ్యాపారం విస్తృతమైందని వారి వాదన.

ప్రిస్క్రిప్షన్ లేకుండా narcotic, habit-forming drugs మరియు antibiotics ఆన్లైన్‌లో అమ్ముతున్నారని AIOCD ఆరోపించింది. దీనివల్ల యువత మత్తుకు గురవుతున్నారని, ఆన్లైన్ అమ్మకాలను నిషేధించాలని కోరింది.

తెలుగు రాష్ట్రాల్లో ప్రతి జిల్లా ప్రధాన కేంద్రంలో rallies నిర్వహించారు. అత్యవసర మందుల కోసం నగరాల్లో రెండు నుండి మూడు షాపులు అందుబాటులో ఉంచుతామని AIOCD తెలిపింది. గ్రామీణ ప్రాంతాల్లో ఒక్కొక్క మందుల షాపు మాత్రమే తెరిచి ఉంటుందని పేర్కొంది.